Lexoni edhe:
Ferizaj: Ishte në veturë me punëtoren e Entit Special, i sëmuri mental kërcen nga vetura dhe largohet
Ahval: Gangsteri i cili iku në mënyrë misterioze nga Turqia do të ekstradohet përmes Kosovës
Sedat Peker, një udhëheqës i mafias turke, u arrestua në Maqedoninë e Veriut dhe do të ekstradohet në Turqi përmes Kosovës, njoftoi të hënën gazetari turk, Ahmet Dönmez, raporton Ahval.
Sipas Dönmez, Peker aktualisht mbahet në një stacion policor në Shkup, kryeqytetin e Maqedonisë Veriore. Ai gjithashtu shkruan se Peker u arrestua me kërkesë të Turqisë nga policia maqedonase.
Media lokale e lajmeve maqedonase, Koronos, e përshkroi Peker si një “zot të famshëm të drogës” me banim atje dhe raportoi se ai ishte akuzuar për përpjekjen e tij për t’i kontaktuar trafikantët e drogës në Maqedoninë e Veriut.
Peker kishte disa armiq të dukshëm të nivelit të lartë brenda Turqisë, duke përfshirë Berat Albayrak, dhëndrin e Presidentit turk, Rexhep Tajip Erdogan dhe Alaatin Cakici, një bos mafie afër Devlet Bahceli, partner i koalicionit me Erdoganin. Ai ishte burgosur më parë gjatë gjykimeve të Ergenekon në vitin 2013 dhe u dënua me kohëzgjatje prej dhjetë vjetësh, por ai u la i lirë si shumë të pandehur të tjerë muaj më vonë, kur akuzat u shembën.
Gangsteri u largua nga vendi nën një re dyshimesh, shkruan Ahval. Ai kishte hedhur poshtë raportimet se kishte ikur për shkak të problemeve ligjore, duke thënë se u zhvendos në Ballkan për të ndjekur aspiratat e tij të biznesit. Dönmez, gazetari turk, megjithatë pretendon se Peker mund të ketë ikur për shkak të mosmarrëveshjes midis tij dhe Albayrak, i cili kërkoi ta arrestonte, duke e shtyrë atë të emigronte.
Peker është gjithashtu një rival për një kohë të gjatë i Alaatin Cakici, i cili u lirua nga burgu vitin e kaluar si pjesë e një projekt-ligji për amnisti të nënshkruar nga Erdogan për të zvogëluar popullimin e burgjeve gjatë pandemisë së COVID-19. Bahçeli personalisht loboi shumë për lirimin e Cakici sepse e konsideroi atë si hero kombëtar për punën e tij si një sulmues qeveritar që shënjestroi “terroristët armenë dhe kurdë në vitet 1980”.
Në videot e shpërndara nga Kahraman TV, Peker është filmuar duke fyer Cakici në terma personalë.
Ahval është website mediatik i financuar nga Emiratet e Bashkuara Arabe që raporton vetëm për Turqinë, që është hapur në vitin 2017. Në shkurt të vitit 2018, Ahval u bllokua nga qeveria turke për përdoruesit në Turqi.
Sedat Peker’in dün Makedonya’da tutuklandë ve Kosova üzerinden Türkiye’ye iade edileceëi yönünde haberler var. Gelen bilgilere göre ëu anda Üsküp’te polis merkezinde tutuluyor. Peker’in Türkiye’nin iade talebi ile gözaltëna alëndë belirtiliyor.
— Ahmet Dönmez (@AhmettDonmez) January 18, 2021
(Kosova Sot Online)
