Lexoni edhe:
Darka e varfër në QKUK, thonë se është 'me rregulla të Harvardit'
Stuhia e dëborës shkaktoi aksident me 130 makina
Japonia është goditur nga stuhitë e mëdha të borës në javët e fundit.
Një stuhi e madhe dëbore është bërë shkas për aksidentin e rëndë rrugor në veri të Japonisë, ku 130 makina janë përplasur me njëra tjetrën.
Një person humbi jetën e 10 të tjerë mbetën të plagosur nga aksidenti i rëndë në autostradën e Tohokut në prefekturën Miyagi, në të cilin u përfshinë rreth 200 njerëz.
Ekipet e emergjencës mbërritën me shpejtësi në vendngjarje për të ofruar ndihmën e parë.
Në kohën kur ndodhi aksidenti, erërat në zonë raportonin të mbërrinin një shpejtësi prej rreth 100km/h.
Njerëzit janë bllokuar nëpër makina, dhe punonjësit e ndihmës u kanë ofruar ushqime, pije të ngrohta dhe batanije.
Gjatë 24 orëve të ardhshme, në rajonin e Tohokut pritet të bjerë gati gjysmë metri borë.
(Kosova Sot Online)
