Lexoni edhe:
Ndryshon kategorizimi i komunave sipas zonave
S’mjaftojnë djersët e gazrat, kërkohet që avokatit të Trumpit t’i pezullohet licenca
Një grup i njohur i avokatëve të enjten kërkoi nga organet e drejtësisë në Nju Jork që t’i pezullohet licenca ish-avokatit të ish-presidentit Trump, Rudy Giuliani, për pretendimet e tij të rreme rreth padive pas zgjedhjeve dhe për nxitjen e përkrahësve të Trumpit që të përfshihen “në gjykim duke luftuar” pak kohë para se ata të futeshin me dhunë në ndërtesën e Capitol-it.
Në letrën e organizatës “Avokatët në Mbrojtje të Demokracisë Amerikane” bëhet thirrje për pezullimin e menjëhershëm të licencës së Giulianit për t’i pritur hetimet kundër figurës që dikur ka shërbyer si prokuror federal dhe kryetar i Nju Jorkut para se Trumpi ta emëronte atë si avokat personal.
“Kjo ankesë ka të bëjë me ligjin, jo politikën”, thuhet në letrën dërguar një divizioni të Gjykatës Supreme të shtetit të Nju Jorkut. Letra u nënshkrua nga më shumë se 40 avokatë, shkruan Reuters.
Avokatët tjerë, që nuk janë pjesë e këtij grupi, përfshirë një avokat që i mbron kolegët nga ankesat etike, tha se letra mund të ketë pasoja serioze për Giulianin.
Ndryshe, Giuliani e ka udhëhequr ekipin ligjor të Trumpit që u përpoq ta zhbëjë rezultatin e zgjedhjeve, por dështoi të ofronte ndonjë dëshmi të mashtrimeve. Ky ekip humbi dhjetëra raste në gjykata në Gjykatën Supreme dhe në gjykata tjera më të ulëta. Në fund, Kongresi e miratoi fitoren e Bidenit në zgjedhje, duke i hapur rrugë inaugurimit më 20 janar.
Giuliani së paku dy herë e kishte marrë vëmendjen e medieve, por për çështje që nuk lidheshin hiç me detyrën e tij. Në rastin e parë, ai ishte fotografuar me ngjyrën e flokëve që i rridhte nëpër faqe pas djersitjes, ndërsa në rastin e dytë, dukej se Giuliani kishte lëshuar gazra gjatë një seance.
(Kosova Sot Online)
