Lexoni edhe:
6 të vdekur dhe 392 raste të reja me COVID-19
Pas dy muajve, Zelanda e Re raporton rastin e parë me COVID-19
Zelanda e Re ka raportuar rastin e parë pozitiv me COVID-19 jashtë mjediseve të izoluara që nga nëntori.
Një grua 56 vjeçare rezultoi pozitive pasi së fundmi ishte kthyer nga Evropa dhe kaloi dy javë në karantinë pas mbërritjes në Zelandë, shkruan CNN.
Ajo doli negative për virusin dy herë para se të lirohej nga ku kaloi karantinën dhe më pas zhvilloi simptoma dhe doli pozitive për COVID-19.
“Hapat për të zbuluar ose për të bërë renditjen e gjenomit dhe një provë të dytë PCR janë në proces,” tha ministri, Chris Hipkins.
Ai shtoi se ishte shumë herët për të spekuluar “origjinën ose llojin” e infeksionit.Gruaja kishte katër kontakte të ngushta që do të izolohen ndërsa zyrtarët e Zelandës së Re vazhdojnë gjurmimin e kontakteve.
Çdo kontakt i ngushtë i kontakteve të tyre do të duhet të izolohet dhe të testohet.
Qeveria lëshoi ënjë listë me gati 30 vendndodhje që përfshinte kafene dhe dyqane ku gruaja udhëtonte me gjasë.
“Ndërsa rreziku nga këto vende është shpesh shumë i ulët, kontakteve të rastësishme që morën pjesë në një nga vendet gjatë afateve përkatëse u kërkohet të qëndrojnë në shtëpi, të marrin një test dhe të presin derisa të kthehet një rezultat negativ,” Ministria e Shëndetësisë e Zelandës së Re tha në një deklaratë.
(Kosova Sot Online)
