Lexoni edhe:
Pasi u vaksinua kundër COVID-19, infektologu shqiptar infektohet me virus
Ramush Haradinaj: Dhembjen e hebrenjve e ndjejmë ne që kemi përjetuar okupimin e egër dhe gjenocidin
Kryetari i Aleancës për Ardhmërinë e Kosovës, Ramush Haradinaj ka përkujtuar gjenocidin ndaj hebrenjve në Ditën Ndërkombëtare të Holokaustit.
Ai tha se dhimbjen e tyre e kanë përjetuar edhe shqiptarët që kanë qenë të okupuar.
Haradinaj përmendi faktin se shqiptarët i kanë hapur dyert për hebrenjtë në kohët më të vështira të mbijetesës së tyre.
Postimi i plotë i tij.
Në Ditën Ndërkombëtare në Përkujtim të Holokaustit kujtojmë vuajtjet e sakrificat e popullit hebraik. Dhembjen e tyre, e ndjejmë më së miri ne që kemi përjetuar edhe vet okupimin e egër dhe gjenocidin.
Shqiptarët hapën dyert për hebrenjtë, në kohët më të vështira të mbijetesës së tyre.
Lidhjet historike ndërmjet popullit shqiptar dhe popullit hebrenj janë të veçanta. Ato do të ruhen e kultivohen edhe me tepër në të gjitha nivelet.
Njohja e Kosovës nga Izraeli, ka hapur dyert për thellimin dhe avancimin e marrëdhënieve ndërmjet dy shteteve e popujve.
RH
https://www.facebook.com/RamushHaradinajOfficial/posts/2406534279470972
(Kosova Sot Online)
