Policia publikon detaje të reja për vrasjen e Albert Krasniqit, çka u gjet në vendin e ngjarjes

Policia e Kosovës ka dhënë detaje të reja për vrasjen e Albert Krasniqit në kryeqytet, e ku i dyshuar për vrasjen e tij është babai Skender Krasniqi.

Policia njofton se në vendin e ngjarjes janë gjetur një revole, një karikator, tre fishek, një gëzhojë dhe një predhë.

Trupi i të ndjerit është dërguar për obduksion, teksa i dyshuari me vendim të prokurorit është dërguar në mbajtje.

Albert Krasniqi dhe babai i tij Skender Krasniqi

“Prishtinë 27.01.2021 – 17:02. Është arrestuar i dyshuari mashkull kosovar pasi që i njëjti dyshohet se ka kryer veprën vrasje e rëndë. Në vendin e ngjarjes kanë dalur njësitë relevante policore, prokurori i shtetit, njësia e mjekësisë ligjore dhe ekipi i urgjencës i cili e ka konfirmuar vdekjen e viktimës mashkull kosovar. Në vendin e ngjarjes gjithashtu janë gjetur dhe konfiskuar: një revole, një karikator, tre fishek, një gëzhojë dhe një predhë. Me urdhër të prokurorit trupi i pa jetë i viktimës është dërguar në IML për obduksion ndërsa i dyshuari është dërguar në mbajtje”, thuhet në njoftim.

1 / 1

(Kosova Sot Online)