Lexoni edhe:
Fundi i karrierës presidenciale të Hashim Thaçit varros edhe projektin për shkëmbim territoresh
Melania Trump hap zyrë në Florida, fillon të angazhojë staf
Ish-zonja e parë e Shteteve të Bashkuara, Melania Trump, do të hapë zyrë në Florida, sipas dy burimeve të afërta me planet e saj.
Njëri nga burimet tha se qëllimi i zonjës Trump është që ta mbajë në funksion nismën “Be Best”, me të cilën synohet që të ndihmohen fëmijët. Gjatë kohës së saj në Shtëpinë e Bardhë, “Be Best” ishte nismë për mbrojtjen e shëndetit dhe mirëqenies së fëmijëve, sigurinë e tyre në internet dhe ndikimin e krizës së drogave te fëmijët.
Zyra e zonjës Trump në Florida do të ketë tre anëtarë të stafit të Shtëpisë së Bardhë, konfirmuan burimet për televizionin CNN. Hayley D’Antuono shërbeu për katër vjet si drejtoreshë e operacioneve dhe mbikëqyrëse e udhëtimeve të ish-zonjës së parë dhe tani është shefe e stafit të zonjës Trump.
Marcia Kelly, e cila shërbeu si këshilltare e lartë pa pagesë për ish-zonjën e parë kur ajo ishte në Shtëpinë e Bardhë, gjithashtu do të jetë pjesë e zyrës në Florida, ndonëse nuk është e qartë nëse do të paguhet tani e tutje.
Sipas një sondazhi të televizionit CNN, Melania Trump u largua nga Shtëpia e Bardhë me shkallën më të ulët të përkrahjes si zonjë e parë.
Shkalla më e lartë e përkrahjes për të ishte 57 për qind, në maj të vitit 2018, sipas një sondazhi të këtij televizioni në atë kohë.
(Kosova Sot Online)
