Lexoni edhe:
Vuçiqi mobilizon ushtrinë: E dini se çfarë problemesh kemi në Kosovë
U bllokuan në borë, punonjësit shëndetësorë vaksinojnë të gjithë shoferët
Punonjësit shëndetësorë të Oregonit të cilët u bllokuan në një stuhi dëbore, gjatë kthimit nga një program vaksinimi COVID-19, shkuan makinë më makinë duke vaksinuar shoferët e bllokuar para se të skadonin disa nga dozat.
“Klinika e vaksinave të improvizuara” u zhvillua pasi rreth 20 punonjës u ndaluan në trafik në një autostradë.
Gjashtë nga vaksinat po afroheshin drejt skadimit, kështu që punëtorët vendosën që t’ia ofrojnë ato shoferëve të tjerë të bllokuar.
Duke mos dashur t’i humbnin ato, stafi eci nga një automjet në tjetrin, duke u ofruar njerëzve një shans për të marrë vaksinën.
Ndërsa një ambulancë e qarkut ishte në gatishmëri për siguri.
Të gjitha dozat u administruan, duke përfshirë një dozë për një punonjës të Zyrës së policisë së Qarkut Josephine, i cili kishte mbërritur shumë vonë në klinikën e vaksinimit, por ndaloi me të tjerët, thanë zyrtarët.
Drejtori i Shëndetit Publik të Qarkut Josephine, Mike Ëeber tha se ishte një nga operacionet më të ftohta ku ai kishte qenë pjesë.
Gjashtë doza vaksine mund të mos duken shumë, por çdo vaksinim vlen në betejën ndaj COVID-19.
Sipas një paneli që po përditësohet nga Autoriteti Shëndetësor i Oregonit, 340 359 doza vaksinimi ishin administruar në shtet, deri të martën.
Deri më tani, vetëm 50 587 njerëz në këtë shtet kanë marrë të dyja dozat e vaksinës kundër koronavirusit.
Në shtetin e Oregonit, janë regjistruar 139 355 raste të COVID-19 që nga fillimi i pandemisë.
(Kosova Sot Online)
