Lexoni edhe:
Donika Gërvalla me akuza ndaj KQZ-së: Është kthyer në shkelësen më eklatante të Kushtetutës
IKSHPK furnizohet edhe me 100 mijë teste PCR
Ministri në detyrë i Shëndetësisë, Armend Zemaj ka marrë pjesën në dorëzimin 100 mijë testeve për IKShPK-në dhe 16 ventilatorëve për QKUK-në.
Me këtë rast, ai ka thënë se shpreson që pas ardhjes së vaksinës anti-Covid të kthehet normaliteti në vend, duke shtuar se do të vazhdojnë testimin në masë.
“Kemi sjell 100 mijë teste PCR për të forcuar kapacitetet për të testuar dhe për të vazhduar testimin në masë. Ashtu siç kemi premtuar edhe janë realizuar po ashtu edhe 16 ventilatorë të cilët janë dërguar në Qendrën Klinike Universitare të Kosovës. Përkushtimi ynë është që mungesa sa i përket testeve mos të jetë temë e punës së këtyre profesionistëve, të lehtësohet edhe identifikimi, kontaktet, gjurmimi dhe hulumtimi epidemiologjik për ta izoluara sa më shumë virusin”, ka thënë Zemaj.
Ndërsa, drejtori i IKShPK-së, Naser Ramadani, ka thënë se pas krijimit të mundësisë së testimeve edhe nëpër rajonet e tjera, është mundësuar testimi në kohë të shpejt.
“Siç po e shihni edhe ju tani jemi të stabilizuar dhe nuk ka ndonjë stërngarkesë sepse janë hapur qendrat rajonale ku do të mbulohet i tërë territori me teste për Covid në kohë të shpejt”, ka thënë Ramadani.
Ndërsa, ushtruesi i detyrës së drejtorit të ShSKUK-së, Valbon Krasniqi, tha se testet janë një nga hallkat e menaxhimit të pandemisë.
“Testet janë njëra nga hallkat e menaxhimit të pandemisë. Shumica e pacientëve kanë pasur nevojë për oksigjenotrapi. Përveç testeve kanë ardhur edhe 16 respiratorë. Urojmë që këta të përdorën sa më pak për pacientë dhe për këtë duhet të zbatohen masat nga ta”, ka thënë Krasniqi.
(Kosova Sot Online)
