Letra e Bidenit, ministri i Jashtëm serb: S’do të jetë e lehtë, duhet të durojmë

Ministri i Jashtëm serb, Nikola Selakoviq tha sot se nuk është i befasuar që Shtetet e Bashkuara të Amerikaës kanë kërkuar njohjen e ndërsjellë Kosovë-Serbi.

Selakoviq tha për TV Happy se kjo tregon pozicionin e politikës së jashtme amerikane.

“Sidoqoftë, ajo që është më e rëndësishme për ne, si në aktet e organizatave ndërkombëtare dhe vetë BE-në, me të cilat ne jemi duke zhvilluar negociata për pranimin dhe anëtarësimin, gjëra të tilla nuk janë vendosur si kusht. Dhe edhe nëse qëndrojnë, pozicioni ynë është i qartë, ai pozicion është deklaruar në një nga vendet më të rëndësishme në botë, dhe kjo është Shtëpia e Bardhë, në shtator”, tha Selakoviq.

Lexoni edhe:

Ekipi i OBSH-së në Wuhan tregon se kanë gjetur prova se si filloi pandemia e COVID-19

Sipas tij, Serbia është një shtet i njohur ndërkombëtarisht dhe nuk ka nevojë për njohje nga “e ashtuquajtura Kosovë”.

Selakoviq theksoi se Serbia ka një pozicion për të cilin insiston dhe se Shtetet e Bashkuara gjithashtu kanë një pozicion për të cilin insistojnë.

“Kjo nuk është një arsye që ne të heqim dorë nga pozicioni ynë, por vetëm një stimul më i madh dhe më i fortë për të qenë të vendosur, këmbëngulës, të mençur në këtë luftë për të përfaqësuar interesat tona. Ky është një nga sinjalet e këtij viti, i cili u shpall si viti në të cilin po presim presione të mëdha dhe tundime të mëdha në të cilat duhet të durojmë dhe të durojmë deri në fund”, tha ministri serb, transmeton Express.

Ai deklaroi se Serbia nuk duhet të çmendet që fuqitë e mëdha ta ndryshojnë mendimin e tyre për Kosovën, sepse shumë prej tyre e kanë sponsorizuar atë dhe se ata e trajtojnë Kosovën si diçka të tyren dhe e mbrojnë atë në çdo vend.

“Sidoqoftë, fuqitë e mëdha nuk janë të njëjta si 14 vjet më parë, por Serbia nuk është e njëjtë dhe politika nuk zhvillohet në të njëjtën mënyrë. A do të flasë administrata e re e SHBA-së për Kosovën dhe Metohinë? Po. A do të jenë bisedimet të thjeshta dhe të lehta? Sigurisht që jo”, tha Selakoviq.

Duke folur për vizitën e presidentit të Serbisë në Francë, ai tha se presidenti francez, Emanuel Macron inicioi një metodologji të re të anëtarësimit.

“Ne nuk hezituam për metodologjinë e re. Kjo metodologji e re na përshtatet, do të na tregojë se sa kemi bërë, sa kemi arritur”, deklaroi Selakoviq.

Të premten, presidenti i Shteteve të Bashkuara të Amerikës, Joe Biden, vendosi t’ia shkruante një letër urimi presidentit serb, Aleksandar Vuçiqit, me rastin e 15 shkurtit, ditës së shtetësisë së Serbisë. Kjo letër që mbërriti dje në Presidencën serbe, ndonëse kishte brenda urime të përzemërta të presidentit të shtetit më të fuqishëm në botë, përmbante edhe një fjali, e cila ia prishi ditën kreut të Serbisë.

Në një mënyrë aspak të zakontë në diplomaci, me anë të një letre urimi, që qe e para e tij si president, drejtuar Serbisë, Joe Biden i ka kërkuar presidentit serb, Aleksandar Vuçiq që ta njohë Kosovën si shtet të pavarur. 

(Kosova Sot Online)