Lexoni edhe:
Serbia mund të prodhojë këtë vit vaksinën ruse kundër COVID-19
Qytetarët në rrezik nga qentë endacak
Parku i ndërtesave pranë rrugës Xheladin Hana në lagjën “Bregu i Diellit” duket si shtëpi e qenëve endacakë.
Banorët e kësaj lagje kanë dërguar fotografi në adresë të lajmi.net dhe kanë treguar se po ndihen të rrezikuar nga numri i madh i qenëve që po qëndrojnë në lagje.
Ata kanë treguar se janë sulmuar nga qentë dhe se nuk guxojnë t’i lënë fëmijët e tyre të dalin në rrugë as gjatë ditës..
Një banor për lajmi.net ka ndarë eksperiencën e tmerrshme të tij me qentë që thotë se janë bërë “banorë” të lagjës.
“Po mua më kanë ndjekur para disa netësh ma shumë se 20 qenë, kam qenë duke u tranu nga frika, jam frikësuar shumë dhe ende jam i traumatizuar, më ka shpëtuar se isha afër hymjes”, tha ai.
Banorët e kryeqytetit ankohen pothuajse çdo ditë nga prezenca e madhe e qenëve endacakë në çdo lagje dhe rrugë të Prishtinës ndërsa komuna ende nuk ka bërë zgjidhje për ta.
(Kosova Sot Online)
