Zemaj i kundërpërgjigjet Rakës: Dikush po ka dëshirë dhe arsye ta keqpërdor mënyrën e komunikimit

Ministri i Shëndetësisë, Armend Zemaj, i është kundërpërgjigjur mikrobiologut Lul Raka, i cili dje tha se s’është konsultuar lidhur me lirimin e masave kufizuese.

Gjatë një vizite në komunën e Vitisë, Zemaj tha se nga Bordi ku kryesues është Raka merr këshilla sa herë që ka nevojë si ministër, por se instituticion zyrtar është Institutit Kombëtar i Shëndetit Publik dhe Ministria e Shëndetësisë dhe se duhet të bëhet dallimi.

“Bordi është një trup e formuar nga unë, nga e cila marrë këshilla sa herë kam nevojë si ministër. Si institucion zyrtar është IKSHPK dhe MSH, duhet të bëhet dallimi. Dikush po ka dëshirë dhe arsye ta keqpërdor mënyrën e komunikimit”, tha Zemaj.

Ndryshe, Raka dje ka thënë se si kryesues i Bordit dhe asnjë anëtar i Bordit nuk është konsultuar për një propozim të tillë.

“Në kohën e shkeljes masive të masave parandaluese gjatë fushatës zgjedhore e parazgjedhore nga tërë spektri politik;  shtritjes së variantit britanik të virusit, i cili është prezent në Kosovë që nga fundi i dhjetorit , çdo “lehtësim politik i masave” mundëson përhapjen e infeksionit në komunitet duke kërcënuar shëndetin publik e individual në Kosovë. Prandaj, unë jam kundër lirimit të masave në këtë kohë”, ka shkruar Raka.

https://www.facebook.com/lul.raka/posts/10157834467235267

(Kosova Sot Online)