Mediet ndërkombëtare raportojnë për zgjedhjet në Kosovë

14 February 2021 - 12:13

Qytetarët po votojnë sot për zgjedhjet e jashtëzakonshme parlamentare.

Lidhur me këtë rast kanë raportuar edhe shumë prej mediumeve ndërkombëtare, përfshirë Reuters, AP, France24, EuroNews dhe Al Jazeera.

Lexoni edhe:

Sali Ahmeti: Gjendja me COVID-19 është e qetë, por mund të rritet numri i të infektuarve

Në këto zgjedhje të parakohshme në garën zgjedhore marrin pjesë 21 parti politike, 2 koalicione dhe 5 iniciativa qytetare.

Agjencia e lajmeve Reuters, i referohet zgjedhjeve parlamentare në vend me titull, “Kosova voton në zgjedhjet që mund të komplikojnë dialogun me Serbinë”.

“Brezi i ri përballet me ‘gardianin e vjetër’ në zgjedhjet e Kosovës”, është Al Jazeera ajo që ‘pagëzoi’ artikullin me këtë titull duke iu referuar zgjedhjeve në Kosovë.

Agjencia e lajmeve “Associated Press” , gjithashtu raportoi për sa i përket zgjedhjeve parlamentare në Kosovë me titull, “Kosova voton për parlament të ri mes pandemisë”.

Në zgjedhjet e 14 shkurtit të drejtë vote kanë 1,794,862 qytetarë, ndërsa numri i Qendrave të Votimit në të gjithë Kosovën është 888, me gjithsej 2 mijë e 382 vendvotime.