Lexoni edhe:
VV – qytetarëve: Pjesëmarrja juaj është shëndet për demokracinë
Thaçi: KQZ sabotoi zgjedhjet, 200 qytetarë po presin mbi dy orë për fletë-votime
Analisti Jusuf Thaçi thotë se prej dy orësh mbi 200 qytetarë po presin për të votuar në një qendër votimi në Prishtinë ku janë harxhuar fletë-votimet. Një gjë e tillë, sipas tij, është e papranueshme pasi po mohohet një e drejtë e garantuar.
Nëpërmjet një shkrimi në Facebook, Thaçi tha se shumë qytetarë janë kthyer pasi janë lodhur nga pritja.
Shkrimi i plotë i Thaçit në Facebook:
Në Qendrën e Votimit në FIEK në Prishtinë jemi mbi 200 veta duke pritur rreth 2 orë për të votuar. Qe më shumë se gjysmë ore janë harxhuar fletë-votimet dhe ende nuk janë sjellur në qendër të votimit.
Radha dhe koha e pritjes po zgjatet edhe më shumë. Fatkeqësisht, shumë njerëz edhe po kthehen pa votuar për shkak të kësaj.
Në rastin më të mirë kjo është papërgjegjësi e jashtëzakonshme e KQZ-së, në rastin më të keq kjo është sabotim i zgjedhjeve nga KQZ dhe mohim i të drejtës së qytetarëve për të votuar, duke ua vështirësuar apo pamundësuar votimin.
(Kosova Sot Online)
