Donald Trump sulmon ashpër republikanin, e quajti moralisht përgjegjës për trazirat

  • G.G /
  • 17 shkurt 2021 - 12:23
Donald Trump sulmon ashpër republikanin, e quajti moralisht përgjegjës për trazirat

Ish-presidenti i Shteteve të Bashkuara, Donald Trump nuk duroi më gjatë por iu kthye ashpër kolegut të tij tij republikan, Mitch McConnell të cilin e cilësoi një  “politikan të vrazhdë dhe të mërzitur”.

“Nëse senatorët republikanë vazhdojnë të mbeten me të, ata do të humbin përsëri”, tha Trump.

Javën e kaluar, Senati i Shteteve të Bashkuara e shfajësoi ish presidentin nga përgjegjësia për nxitjen e trazirave në Kongresin amerikan.

McConnell, i cili ka udhëhequr Senatin për katër vjet, votoi për shfajësimin e Trumpit, por nuk la pa e thene me pas se e konsideronte atë “moralisht përgjegjës” për trazirat.

“Partia Republikane kurrë nuk mund të respektohet ose të jetë e fortë me ‘liderë’ politikë si senatori Mitch McConnell në krye të saj”, tha Trump përmes një deklarate për shtyp.

“Mungesa e gjykimit politik, mençurisë, aftësisë dhe personalitetit” të McConnellit u ka kushtuar republikanëve me kontrollin e Senatit, pas zgjedhjeve të nëntorit të kaluar, shtoi ai.

Derisa Trump ka qenë ende president, mbështetësit e tij kanë sulmuar dhunshëm ndërtesën e Kongresit, ku ligjvënësit po certifikonin fitoren e Joe Bidenit në zgjedhjet presidenciale.

Pesë vetë, përfshirë një zyrtar të policisë, mbeten te vrare në trazira.

(Kosova Sot Online)