Lexoni edhe:
17 Shkurti: Homazhe e nderime në Prekaz e Velani
Historia interesante me kravatën e Hajredin Kuçit dhe Sabri Hamitit
Hajredin Kuçi ka shpalosur gjëra interesante gjatë një bisede që sot kishte kur ka folur për ditën e shpalljes së pavarësisë së Kosovës.
Ai ka treguar dy ngjaje interesante me kravatën e tij dhe të Sabri Hamitit.
Ai në Frontal ka treguar se kravatën që e kishte vendosur atë ditë ia ka dhuruar një kamarieri.
“Në atë kohe e pata vendos një kravatë të kuqe, të cilët me vonë ia kam dhënë një kamarieri i cili u ba marak. Tha a po ma falë se po du me e ruajtë si simbolikë dhe ia dhashë. Por i thash nëse e merr por e ruan, po ta jap. Emrin e ka Anton dhe sot besoj se e ruan diku”, ka thënë Kuçi.
Pikërisht me kravatën lidhet edhe ngjarja me Sabri Hamitin në po atë ditë.
Dita e Pavarësisë, kishte qenë hera e parë që ish nënkryetari i Kuvendit të vendoste kravatën.
“Profesor Sabri Hamiti, ju e keni vërejtur ka qenë hera e parë që ka vënë kravatë. Kemi bërë shaka para asaj dite por atë ditë ka vendos kravatë si simbolikë e veçantë, bile e kam lutë me ma falë”, ka treguar Kuçi.
(Kosova Sot Online)
