Lexoni edhe:
Mbi 30 plazma gjaku të dhuruara nga pacientët që kanë kaluar COVID-19
Raportohet se u keqpërdorën të dhënat e të testuarve për Covid-19 në IKSHPK, nisin hetimet
Një rast i keqpërdorimit të të dhënave të pacientëve po dyshohet se ka ndodhur në Institutin Kombëtar të Shëndetësisë Publike të Kosovës.
Rasti ka ndodhur pasditen e së premtes, ka njoftuar Policia e Kosovës në raportin 24 orësh.
“Prishtinë 19.02.2021 – 17:01. Ankuesi mashkull kosovar ka raportuar se lista e personave, pa autorizim është shpërndarë nga e-mail adresa zyrtare në një e-mail adresë tjetër. Rasti është duke u hetuar”, ka bërë të ditur Policia.
Ndërkohë, media mëson se rasti ka ndodhur në Institutin Kombëtar të Shëndetësisë Pulbike të Kosovës, dhe bëhet fjalë për listën e personave të testuar për koronavirus.
Burime brenda Policisë së Kosovës kanë deklaruar se lista e personave të testuar për COVID-19 është dërguar nga e-maili zyrtar i Institutit Kombëtar të Shëndetësisë Publike, në një email tjetër.
(Kosova Sot Online)
