Lexoni edhe:
Lajçak mbërrin në Kosovë, pritet nga Kurti
Shkon në mbi 70 mijë numri i viktimave nga COVID-19 në Gjermani
Më shumë se 70 mijë njerëz kanë vdekur nga COVID-19 në Gjermani, sipas shifrave zyrtare.
Agjencia e vendit për kontrollin dhe parandalimin e sëmundjeve, Instituti Robert Koch njoftoi të hënën për 4,732 raste të reja me koronavirus gjatë 24 orëve të fundit, duke e çuar numrin e përgjithshëm të infeksioneve në 2 milionë e 447 mijë e 68.
Autoritetet raportuan gjithashtu 60 vdekje të tjera, duke e çuar numrin e përgjithshëm të fataliteteve në 70,105.
Megjithatë shifrat janë gjithnjë më të ulëta në fundjavë, sepse testohen një numër më i vogël njerëzish.
Instituti tha se niveli i incidencës shtatë-ditore të Gjermanisë është rritur në 65.8, që përfaqëson numrin e rasteve për 100 mijë banorë.
Gjermania, ekonomia më e madhe e Europës ripërsërit shqetësimet se variantet e reja të koronavirusit mund të përmbysin progresin e shënuar deri më tani. Kancelarja Angela Markel ka deklaruar se të gjitha të dhënat sugjerojnë një valë të tretë të pandemisë, e shumë rajone po përgatiten për një tjetër lockdown.
(Kosova Sot Online)
