Lexoni edhe:
Faktori ndërkombëtar presion të ashpër politikës kosovare: Më shpejtë institucionet e reja për ta zënë hapin e humbur në dialogun me Serbinë
Albin Kurti: Ne duam të kemi gjykata normale vendore e jo Gjykatë Speciale jashtë Kosovës
Kryetari i VV’së Albin Kurti në një konferencë për media në Shqipëri ka thënë se Gjykata Speciale është e imponuar nga jashtë dhe se duan që të ketë gjykata normale vendore.
“Gjykata Speciale në Hagë e cila është imponuar prej jashtë, është një etnike, merret vetëm me luftëtarët e UÇK’së, dhe është instaluar përshkak të votimit të gabueshëm më 3 gusht 2015 në Kuvend. Ne dëshirojmë të kemi gjykata normale në Kosovë e jo gjykata speciale jashtë Kosovës andaj me procesin e Vettingut në qeverisjen e re do të zvogëlojmë lëndët që janë grumbulluar por do të rregullojmë edhe imazhin e Kosovës duke sjellur drejtësi, dhe me gjykatat tona normale do të trajtojmë të gjitha pretendimet që bëhen ndaj kujtdo qoftë kurdo qoftë”, ka thënë Kurti.
Ai tutje është shprehur se nëse ndonjë ndërkombëtar ka pretendime ndaj ndonjë individi të UÇK’së atëherë do t’i trajtojnë ato raste me prioritet.
“UÇK ka bërë luftë të drejtë nëse ka pretendime nga ndonjë ndërkombëtar për individë të UÇK’së ne do të kemi një sistem të ri të transformuar të drejtësisë që do t’i trajtojë me prioritet të gjitha ato raste. Ne jemi bashkë me luftëtarët e UÇK’së”, tha Kurti.
(Kosova Sot Online)
