Tërmeti i dytë i fuqishëm në Greqi, çfarë thonë sizmiologët për fenomenin e rrallë

  • E.K /
  • 05 March 2021 - 10:44
 Tërmeti i dytë i fuqishëm në Greqi, çfarë thonë sizmiologët për fenomenin e rrallë

Një tjetër tërmet 5.9 ballë i shkallës Rihter ka goditur Greqinë vetëm një ditë pas tërmetit me madhësi 6 ballë.

Mediat vendase bëjnë me dije se sizmologët janë të shqetësuar pas tërmetit të djeshëm në rajonin e Thesalisë, pasi dyshojnë se kanë të bëjnë me një fenomen të panjohur më parë.

Presidenti i OASP, profesor i gjeologjisë në EKPA, Efthymios Lekkas në një deklaratë për mediat vendase është shprehur se lëkundjet e djeshme janë aktivizimi I një fenomeni të panjohur të thyerjes.

Ai e ka cilësuar fenomen të rrallë I tërmeteve “binjake”. Sipas tyre një fenomen i tillë është ndeshur në Greqi në vitin 2014, në termetet e Kefalonias.

“Këtë fenomen e kemi hasur në zona të tjera sizmike në botë. Tërmetet e dyfishta kryesore janë diçka e veçantë por jo e panjohur, është një fenomen që është vërejtur nga sizmologë ekspertë ”, ka thënë ai.

Ndërkohë sizmologë të njohur në Greqi, fenomenin e kanë parashikuar që në tërmetin e së mërkurës ku u kanë bërë thirrje njerëzve që të jenë të kujdesshëm, pasi ai mund të pasohej nga lëkundje tjera të fuqishme.

(Kosova Sot Online)