Lexoni edhe:
Rritet numri i të infektuarve me COVID-19, mbi 9 mijë raste aktive në vend
Tentim vrasje në Mitrovicë, djali e godet disa herë me thikë babain
Një person ka përfunduar në spital, pasi është goditur me thikë nga djali i tij.
Rasti ka ndodhur mëngjesin e së premtes në Mitrovicë, ka bërë të ditur Policia e Kosovës në raportin 24 orësh.
Sipas Policisë, i dyshuari e ka goditur viktimën disa herë me thikë, duke i shkaktuar lëndime të rënda trupore.
“Raportohet se i dyshuari mashkull kosovar ka sulmuar fizikisht babanë e tij viktimën mashkull kosovar duke e goditur me thikë disa herë. Viktima ka pësuar lëndime të rënda trupore dhe është dërguar në tretman mjekësor. Sipas viktimës i dyshuari ka probleme mendore”, bëhet e ditur në raportin e Policisë.
Policia njofton se i dyshuari është dështuar në mbajtje.
“I dyshuari është arrestuar dhe me vendim të prokurorit dërgohet në mbajtje”, ka bërë të ditur Policia.
(Kosova Sot Online)
