Lexoni edhe:
Në këtë vend zbulohen 31 lloje të ndryshme të koronavirusit
Ramush Haradinaj pas raportimeve për blerjen e votave kërkon të merren masa ndaj manipuluesve
Kryetari i AAK-së, njëherit kandidat për president të vendit, Ramush Haradinaj, është deklaruar lidhur me pretendimet për blerjen e votave.
Në një postim në profilin e tij në Facebook, Haradinaj thotë se manipuluesit duhet dënuar, kushdo qofshin ata.
Tutje, ai ka ftuar organet e rendit që të merren me rastet e parregullësive në zgjedhje.
Postimi i plotë i tij:
“Të gjithë meritorët që zgjedhjet e 14 shkurtit të jenë të rregullta dhe me standarde të larta demokratike, i falënderoj nga zemra.
Manipuluesit kushdo qofshin dhe për interesa të kujtdo qofshin, ju uroj dënime meritore.
Ftoj organet e drejtësisë të hetojnë parregullsitë dhe të marrin masat e duhura konform ligjit.
Pluralizmi dhe demokracia e brendshme në Aleancë janë të shenjta”.
Së fundmi një video-incizim i publikuar në media pretendon se Dardan Stublla, burri i ministres në detyrë Meliza Haradinaj, ia ka blerë votat asaj. Mirëpo një gjë të tillë e ka mohuar burri i Haradinaj-Stublla, teksa ka shtuar se rastin e ka denoncuar në polici.
(Kosova Sot Online)
