Lexoni edhe:
Flet Selvie Krasniqi që u rrahë 'barbarisht' nga vëllai i burrit dhe u dëbua nga shtëpia
Mësuesi i Adem Jashari tregon cila ishte arma e preferuar e komandantit
Mësuesi i Adem Jasharit, Hajzer Seferi rrëfeu se si komandanti, qysh në shkollën e mesme ishte më i dalluari në lëndën e mbrojtjes, në veçanti tek gjuajtja me armë.
77 vjeçari nga Skënderaj, tregoi se e kishte nxënës të preferuar, ndërkaq që edhe tash pas shumë vjetësh mbanë mend shumë ngjarje që lidhen me një nga prijësit kryesorë të Ushtrisë Çlirimtare të Kosovës (UÇK).
“Ka qenë i disciplinuar, s’ka pasë nevojë me i dhënë vërejtje askush. Unë jam dalë në mes të bankave thashë: a ka ba nana naj djalë që s’i dhimbet jeta hiç, të gjithë e kanë ulur kokën, ai veç kur u ngrit në këmbë tha: unë jam ai që s’më dhimbet jeta profesor. Adem thashë ke kujdes se puna është me rreik. Veç tregom tha çka duhet me bë”, tha Seferi.
“Edhe pushkën e ka dashtë por për pushkomitralez ka qenë i flaktë. E ka qit në tavolinë e ka zbërthy krejt dhe e ka mbërthy brenda një minuti e gjysmë”, shtoi ai.
(Kosova Sot Online)
