Pas certifikimit të zgjedhjeve, vjen reagimi i parë nga Lëvizja Vetëvendosje

  • E.K /
  • 13 March 2021 - 11:11
Pas certifikimit të zgjedhjeve, vjen reagimi i parë nga Lëvizja Vetëvendosje

Lëvizja Vetëvendosje ka reaguar pas certifikimit të rezultateve të zgjedhjeve të 14 shkurtit.

Në reagimin e kësaj partie thuhet se qytetarët u deklaruan se vendit duhet t’i hapet një perspektivë e re dhe pa korrupsion.

Sipas VV-së, qytetarët kanë vendosur që regjimi i vjetër të shkojë në shpi.

“Qytetarët u përcaktuan qartë në referendumin e 14 shkurtit. Me 50.28% ata u deklaruan se regjimi i vjetër duhet të shkojë dhe vendit duhet t’i hapet perspektivë e re, me zhvillim e pa korrupsion, me mirëqenie e mirëqeverisje. Urime!”, thuhet në reagim.

Përndryshe, KQZ-ja sot ka certifikuar rezultatet e zgjedhjeve. Nga certifikimi i këtyre rezultateve, Vetëvendosje ka 50,28 përqind apo 438 mijë e 335 vota, PDK 148 mijë e 285 vota apo 17%, LDK ka 110 mijë e 985 apo 12,73%.

https://www.facebook.com/vetevendosje/posts/10157513789247000

(Kosova Sot Online)