Njoftim me rëndësi për kosovarët që ia mësyjnë Turqisë pas 15 marsit

  • G.G /
  • 13 March 2021 - 11:13
Njoftim me rëndësi për kosovarët që ia mësyjnë Turqisë pas 15 marsit

Një vendim i ri i Ministrisë së Shëndetësisë në Turqi ndryshon kushtet e futjes së qytetarëve të huaj në këtë shtet. Rregullat e reja hyjnë në fuqi më 15 mars 2021.

Kështu, kosovarët që duan të udhëtojnë drejt Turqisë përmes rrugëve ajrore, nga mesi i këtij muaji, janë të obliguar që të plotësojnë një formular brenda 72 orëve para fluturimit.

Konsullata e Përgjithshme e Kosovës në Stamboll ka publikuar njoftimin duke dhënë detaje.

“Në përputhje me vendimet e marra nga autoritetet turke, duke filluar nga data 15 mars 2021, çdo person që udhëton për në Republikën e Turqisë përmes rrugëve ajrore është i obliguar që brenda 72 orëve para fluturimit të plotëson formularin për hyrje në Turqi në adresën:

“https://register.health.gov.tr/”.”, thuhet në njoftim.

Formulari kërkon të dhënat tuaja personale, përfshirë adresat e kontaktit.

https://www.facebook.com/permalink.php?story_fbid=4422387161147489&id=720929284626647

(Kosova Sot Online)