Mjekimi i gabuar/ 40-vjeçari i sëmurë ndërron jetë në banesë, nën hetim mjekja

Një 40-vjeçar ka ndërruar jetë në shtëpinë e tij në Durrës, ndërsa familjarët kanë denoncuar mjeken që i ofronte trajtimin mjekësor, duke e akuzuar për mjekim të pakujdesshëm.

Për këtë arsye, policia ka nisur hetimet për mjeken P. K., 47 vjeçe, e cila akuzohet për veprën penale “Mjekim i pakujdesshëm”.

Lexoni edhe:

Liderët politik të lidhur me krimin, i kriminalizuan zgjedhjet e fundit më vjedhje brenda llojit, tash në fshehtësi duan ti mbyllin edhe listat zgjedhore

Njoftimi i policisë:

Specialistët për Hetimin e Krimeve në Komisariatin e Policisë Shijak proceduan penalisht për veprën penale “Mjekim i pakujdesshëm”, shtetasen P. K., 47 vjeçe, banuese në Durrës, me detyrë mjeke në Spitalin Rajonal Durrës.

Për këtë shtetase ka bërë kallëzim shtetasi E. M., 31 vjeç, pasi dyshohet se ka mjekuar në mënyrë të pakujdesshme vëllanë e tij, shtetasin E. M., 40 vjeç, i cili ka ndërruar jetë në banesë.

Grupi hetimor vijon punën për zbardhjen e plotë të rrethanave të ngjarjes.

Materialet i kaluan Prokurorisë, për veprime të mëtejshme.

(Kosova Sot Online)