Lexoni edhe:
8 të vdekur e 709 raste të reja me Covid-19 në Kosovë
Kompania largon nga aeroplani djalin 4 vjeç me autizëm pse s’vendosi maskë
Një djalë 4 vjeç me autizëm është larguar nga aeroplani në Shtetet e Bashkuara pasi kompania e fluturimeve nuk pati mirëkuptim për gjendjen e tij dhe këmbënguli se ai duhej ta vendoste maskën, tha nëna e tij.
Kompania “Spirit Airlines” tha për mediet amerikane se të gjithë pasagjerët, përpos atyre që janë nën moshën 2-vjeçare, duhet të vendosin maska, shkruan BBC.
Sidoqoftë, sipas udhëzimeve të autoriteteve amerikane, udhëtarët me gjendje të veçantë shëndetësore nuk duhet të detyrohen për ta përdorur maskën. Nëna e djaloshit tha se ai i do aeroplanët dhe ishte i tronditur që u largua.
Callie Kimball tha se ajo ishte duke udhëtuar me të birin Carter dhe bashkëshortin nga Las Vegasi të hënën dhe kishte një dokument mjekësor, në të cilin shpjegohej gjendja e djalit.
“Ai është i liruar nga përdorimi i maskës, sepse kurdo që e përdor atë, e mban frymën dhe fillon të bëj panik dhe e lëndon veten”, tha nëna e djalit, duke shpjeguar se ai ka autizëm dhe nuk flet.
Kur bashkëshorti ia tregoi dokumentin ekuipazhit të aeroplanit, mori këtë përgjigje: “Jo, jo, jo. Autizmi nuk është nevojë e veçantë. Ai duhet ta vendosë maskën ose duhet të zbresë nga aeroplani.”
Familja arriti që të siguronte një fluturim tjetër drejt Arkansasit me kompaninë “American Airlines”, sepse kjo kompani e njohu dokumentin mjekësor për vogëlushin.
(Kosova Sot Online)
