Lexoni edhe:
Miqtë ndërkombëtar urgjentisht t’i “kapin për veshi” liderët e pa përgjegjshëm politik, të mos na prodhojnë krizë të re politike me zgjedhje të reja!
Ministri Shëndetësisë, Armend Zemaj, ka thënë sot se ministrat e ardhshëm do ta gjejnë më mirë Ministrinë e Shëndetësisë se sa ka qenë vitet e kaluara.
Ai këto komente i bëri gjatë një vizite në Klinikën e Onkologjisë ku është prezantuar pajisja Akcelerator linear.
Zemaj tha se pajisja akcelator linear është një investim i kushtueshëm nga ministria.
Ndërsa, sa i përket situatës më pandeminë, Zemaj tha se përkundër që kohëve të fundit ka rritje të rasteve, situata është e kontrollueshme, duke bërë thirrje që të respektohen masat.
“Situata epidemiologjike e ka pasur një rritje që ne e quajmë të lehë por të kontrollueshme duke thirrur të ketë shtim të kujdesit. Në momentin kur ka rritje të numrit reduktohet edhe trajtimi i pacientëve. Por, mbi të gjitha onkologjia është shembull”, tha ai.
Ndërsa drejtori i Klinikë së Onkologjisë Ilir Kurtishi ka thënë se në vendosjen e aparaturës onkologjia shënon një përparim shumë të madh.
“Investim është shumë i domosdoshëm sepse e kemi operuar me vetëm me dy aperatura dhe na ndihmon të kemi menaxhim më të mirë të sëmundjes. Gjatë kohës së pandemisë ka qenë sfidë e madhe mirëpo kemi qëndruar 24 orë dhe kemi ofrua shërbime onkologjike”, tha ai.
(Kosova Sot Online)