Lexoni edhe:
Bora në Rahovec arrin rreth një metër lartësi
Albulena Haxhiu: Kemi vota të mjaftueshme për votimin e Qeverisë
Ish-ministrja e Drejtësisë, Albulena Haxhiu, ka thënë se akoma nuk dihet se kur do të fillojë seanca për formimin e Qeverisë së re.
“Deri tani akoma nuk kemi konfirmim zyrtar kur do të fillojë seanca orën e saktë. Ne e kemi të qartë se i kemi votat e mjaftueshme për formimin e Qeverisë. Kjo ishte e qartë edhe në momentin kur u votua kryetari i Kuvendit të Kosovës”.
“Emrat e ministrave vetëm se i kemi, publik do t’i Albin Kurti, në fjalimin e tij në Kuvend”, ka thënë Haxhiu.
Burime të medias brenda Lëvizjes Vetëvendosje kanë deklaruar se mbledhja e Kryesisë së Kuvendit do të mbahet në orën 14:00, ndërkaq aty do të vendoset koha kur do të thirret seanca e Kuvendit ku do të votohet Qeveria.
Të njëjtat burime kanë deklaruar për televizionin se seanca për votimin e Qeverisë do të mbahet në orën 16:00.
Ndryshe, në seancën e parë të legjislaturës së tetë, Glauk Konjufca është zgjedhur kryetar i Kuvendit, nënkryetare nga radhët e VV’së Saranda Bogujevci, nga radhët e LDK’së Kujtim Shala ndërkaq nga PDK Bedri Hamza dhe Slavko Simiq nga Lista Serbe.
(Kosova Sot Online)
