Rrugëtimi i Armend Mehajt, nga misionet paqeruajtëse nëpër botë në Ministër të Mbrojtjes në Kosovë

Armend Mehaj dje ka pranuar detyrën e Ministrit të Mbrojtjes nga ish-ministri Anton Quni.

E menjëherë pas emërimit të tij në këtë pozitë, në rrjete sociale kanë filluar të qarkullojnë fotografi të tij nga misionet paqeruajtëse nëpër botë.

Lexoni edhe:

Kuislingu Hashim Thaçi i bëri të gjitha pazaret me Serbinë për t’i shpëtuar Gjykatës Speciale, ra vetë në grackën e përgatitur për të tjerët!

Ndryshem, Mehaj ka lindur në vitin 1981 në Kosovë ndërsa ka jetuar dhe vepruar në Oslo të Norvegjisë. Ai i është bashkuar Forcave të Armatosura të Norvegjisë në vitin 1999, për të shërbyer më pas në misione të ndryshme paqeruajtëse si në Kosovë, Irak, Afganistan, Çad dhe Afrikën Qendrore.

Në 100 vjetorin e pavarësisë së Shqipërisë, Kapiten Mehaj ishte dekoruar nga shefi i Shtabit të Përgjithshëm të FARSH-së, Gjeneral Major Xhemal Gjunkshi, me medaljen “Për shërbime të veçanta, me motivacionin “Për shërbime të merituara në detyrat me përgjegjësi të lartë, si dhe në kontributin e veçantë të dhënë në përmbushje me sukses të misionit paqeruajtës të Forcave të Armatosura të Republikës së Shqipërisë në Çad”.

Me këtë rast, Mehaj kishte deklaruar se dashurinë për vendlindjen e tij Kosovën, për Shqipërinë dhe kombin shqiptar e ka të shenjtë.

“Ndjehem i privilegjuar që marr këtë dekoratë nga Shefi i Shtabit të Përgjithshëm të FA, Gjeneral Major Xhemal Gjunkshi në këtë 100 vjetor të Pavarësisë. Unë jam nga Kosova dhe dashurinë për vendlindjen, për Shqipërinë dhe kombin shqiptar e kam të shenjtë. Unë i përulem me shpirt e zemër flamurit kombëtar”, ishte shprehur Mehaj.

(Kosova Sot Online)