24-vjeçari nga Kosova arrestohet në Austri, u kap me dokumente të falsifikuara

  • S.A /
  • 27 mars 2021 - 08:10
24-vjeçari nga Kosova arrestohet në Austri, u kap me dokumente të falsifikuara

Me ndihmën e letrave të falsifikuara, ai tashmë kishte regjistruar banesën dhe makinën, kishte gjetur punë si punëtor i pakualifikuar

Një kosovar i cili po qëndronte ilegalisht në Austri për më shumë se një vit, është kapur në Linz të hënën me dokumente të falsifikuara të identifikimit, shkruan nachrichten.at.

Ai është ndaluar nga policia rreth orës 22.00 për një kontroll të automjetit. Me atë rast, kosovari 24 vjeçar u ka treguar policëve një patentë shoferi dhe letërnjoftim bullgar.

Të dy dokumentet rezultuan të ishin falsifikime totale. Personi në fjalë më në fund ka identifikuar veten si shteas kosovar 24-vjeç.

Zyrtarët policorë më tutje nuk e kanë lejuar atë që të vazhdonte dhe e kanë marrë në pyetje. Ai ka pranuar se i kishte blerë dokumentet për 1000 euro në internet në mënyrë që të merrte një leje të punës në Austri.

Me ndihmën e letrave të falsifikuara, ai tashmë kishte regjistruar banesën dhe makinën, përcjell albinfo.ch. Veç kësaj, ai kishte hapur llogari bankare dhe kishte gjetur punë si punëtor i pakualifikuar, me po këto dokumente

24-vjeçari në fund ka kërkuar azil dhe është dërguar në qendrën e paraburgimit të policisë, Steyr.

(Kosova Sot Online )