Sulmohet misioni amerikan në Birmani, vërehen xhamat anti-plumb

Qendra Amerikane “Yangon” në Birmani u sulmua me armë zjarri të shtunën, konfirmoi ambasada e Shteteve të Bashkuara në këtë vend.

“Ambasada e ShBA-së konfirmon se Qendra Amerikane Yangon është sulmuar me të shtëna më 27 mars. Nuk ka lëndime. Jemi duke e hetuar incidentin”, thuhet në postimin e ambasadës në rrjete sociale.

Uashingtoni u ka vendosur sanksione zyrtarëve birmanezë pasi ushtria e mori pushtetin.

Birmania është përfshirë nga protestat e përgjakshme që nga rrëzimi i qeverisë së zgjedhur në mënyrë demokratike më 1 shkurt. Mbi 300 protestues janë vrarë nga forcat e sigurisë prej asaj kohe.

Misioni i ShBA-së në qytetin yangon i bëri thirrje personelit të vet që të qëndrojë në shtëpi gjatë përleshjeve mes policisë dhe protestuesve.

Forcat e sigurisë në Birmani të shtunën vranë së paku 50 protestues, ndonëse udhëheqësi i qeverisë ushtarake tha se trupat e armatosura do ta mbrojnë popullin dhe do të bëjnë përpjekje për demokraci.

(Kosova Sot Online)