Lexoni edhe:
Takimi me Abdixhikun për presidentin, deputetët e LDK’së ia mësyjnë selisë së partisë
ISIS-i mburret me sulmin në Mozambik: Kemi vrarë të krishterë
ISIS-i është mburrur për një sulm që zgjati disa ditë në Mozambik të Afrikës, duke e marrë përgjegjësinë dhe duke thënë se ka vrarë dhjetëra pjesëtarë të forcave të sigurisë dhe njerëz të krishterë.
Grupi famëkeq e mori përgjegjësinë për këtë sulm përmes një deklarate të lëshuar nga agjencia e tij e lajmeve, Amaq. Në lajm u publikua edhe një fotografi e militantëve duke e festuar marrjen nën kontroll të qytezës Palma.
Nga sulmi që filloi të mërkurën e kaluar u vranë dhjetëra njerëz, përfshirë një kontraktor britanik. Dhjetëra të tjerë janë ende të zhdukur, shkruan Daily Mail.
Një aeroplan i vogël i Kombeve të Bashkuara, në të cvilin ndodheshin fëmijë dhe të rritur, arriti të hënën në aeroportin e Pembas, ku shumë të mbijetuar të sulmit janë vendosur pasi u larguan nga vendbanimi i tyre.
Qeveria e Mozambikut ka angazhuar një kompani private të sigurimit nga Afrika e Jugut për të luftuar me militantët dhe për të kërkuar të mbijetuar të mundshëm. Në rrugë dhe në plazhe janë parë trupa njerëzish me koka të prera.
(Kosova Sot Online)
