Pasi mori pjesë në votimin për President, Reshitaj flet për angazhimin e saj të radhës

  • G.G /
  • 06 April 2021 - 12:54
Pasi mori pjesë në votimin për President, Reshitaj flet për angazhimin e saj të radhës

Deputetja Albena Reshitaj, e cila së fundmi ishte në qendër të vëmendjes pasi mori pjesë në votimin për zgjedhjen e Vjosa Osmanit presidente, ka shkruar se angazhimi i radhës i saj do të jetë krijimi i mundësive të reja për kuadrot mjekësorë.

Reshitaj ka publikuar një fotografi me disa studentë specializantë, duke shkruar se Kosova ka nevojë më shumë se kurrë për kontributin e tyre në vend.

“Në klinikë me ish studentat e mi që sot janë specializantët e nesër do jenë specialist. Motivi im për të vazhduar përpara. Angazhimi im i radhës do jetë krijimi i mundësive që keto kuadro mjekësore të kenë perspektivë e të punësohen ne vendin e tyre, mos ta shohin të vetmen shpresë largimin jasht. Kosova ka nevojë me shumë se kurrë për kontributin e tyre këtu”, ka shkruar Reshitaj.

Reshitaj, në kundërshtim me qëndrimin e partisë, ka marrë pjesë në seancën për zgjedhjen e Presidentit, duke mohuar të jetë joshur nga një ofertë nga qeveritarët.

“Zgjedhjet e jashtëzakonshme në Kosovë në një situatë të rënduar nga Pandemia, do të ishin rrezik tepër i madh për qytetarët tanë, të cilët sot më shumë se kurrë kanë nevojë që institucionet të merren me menaxhimin e kësaj gjendje dhe jo të kontribuojmë që situata të përkeqësohet. Si një profesioniste shëndetësore nuk kam mundur ta bindi vetën që diçka e tillë të ndodh”, tha Reshitaj dje në një sqarim të gjatë lidhur me këtë çështje.

https://www.facebook.com/albenareshitajofficial/posts/1089536654889644

(Kosova Sot Online)