Lexoni edhe:
Partitë e lidhura me krimin i frikësohen diasporës, i rezistojnë ndryshimit të ligjit zgjedhor
“Republikë bananesh”, Pfizer ndalon dërgimin e mijëra dozave në Izrael
Kompania Pfizer ka ndaluar dërgimin e rreth 700 mijë dozave me vaksina kundër koronavirusit të planifikuara për të mbërritur të dielën në Izrael, pasi dyshohet se nuk kanë marrë pagesën për 2,5 milionë dozat e fundit.
Sipas “Jerusalem Post”, dërgesa me 700 mijë doza të vaksinës Pfizer-BioNTech pritej të mbërrinte në Izrael të dielën, por kjo gjë nuk ndodhi.
Ndërkohë, në mediat lokale ka raportime se stafi i Pfizer e ka quajtur Izraelin një “Republikë bananesh”, duke komentuar paqëndrueshmërinë politike.
Qeveria e Netanyahut kreu një fushatë masive vaksinimi pasi pagoi për 10 milionë vaksina, por në shkurt ato përfunduan.
Rreth 5,27 milionë izraelitë mbi 16 vjeç kanë marrë dozën e parë të vaksinës, ndërsa 4,84 milionë i kanë marrë të dyja dozat. Kjo e bën Izraelin një nga vendet që ka ecur më shumë në procesin e vaksinimit, pasi gjysma e popullsisë së tij prej 9,3 milionë banorë kanë marrë të paktën një dozë të vaksinës.
(Kosova Sot Online)
