Serbia lëshon urdhër-arrest për njeriun që e arrestoi Sllobodan Millosheviqin

  • G.G /
  • 07 April 2021 - 10:24
Serbia lëshon urdhër-arrest për njeriun që e arrestoi Sllobodan Millosheviqin

Prokuroria Themelore në Beograd lëshoi një urdhër për arrestimin e Cedomir Jovanoviqit.

Urdhri është lëshuar duke marrë parasysh se në disa raste, dhe pa justifikim, ai shmangu ardhjen në këtë institucion për të dhënë deklaratën e tij.

Kështu, policia duhet ta arrestoj opozitarin serb deri më 25 qershor, sepse dyshohet se ka rrahur trajnerin dhe pronarin e Klinikës së Terapisë Fizike “Physio Center” në korrik të vitit të kaluar, duke i shkaktuar dëmtime të rënda.

Policia duhej ta sillte atë në seancën e caktuar për 26 mars, por kjo nuk ndodhi dhe arsyet nuk u njoftuan, raporton b92.

Jovanoviq duhet të merret në pyetje në lidhje me dyshimin se më 18 korrik 2020 goditi pronarin e qendrës së terapisë fizike “Physio Center” me një raketë tenisi.

Ai mungoi në seancën dëgjimore në tetor, janar dhe mars dhe tjetra është caktuar për 25 qershor, kur u dha urdhri për sjelljen e tij me ndihmën e policisë.

Kreu i LDP-së, Cedomir Jovanoviq foli pasi Prokuroria Themelore e Beogradit lëshoi një urdhër për arrestimin e tij.

“Unë e kam marrë ftesën për seancë dëgjimore dy orë më parë, kështu që jam shumë i interesuar se kush është burimi për atë informacion”, thotë opozitari serb.

Urdhri është lëshuar sepse, siç thuhet, ai ka kohë që ka shmangur ardhjen në atë institucion për të dhënë një deklaratë.

“Vetëm një orë pasi kam marrë telefonatën për herë të parë, ky lajm shfaqet. Unë nuk kam shmangur thirrjet deri më tani, por, siç e di i gjithë vendi, unë kam qenë në spital herën e kaluar”, deklaron Jovanoviq për Blic.

Ai pretendon se ka pasur disa raste kohët e fundit që i interpreton si provokime. “Isha në një takim biznesi kur katër vetura policie u përplasën me sigurinë time, e cila është nga Ministria e Brendshme. Pasi mbajtën të bllokuar gjysmën e Vozdovac për një orë, ata thanë se ishte një gabim. Që kur filloi transmetimi i serialit, “Familja”, Kjo është një dëshirë për të provokuar mua dhe për tu përballur me Vuçiqin, i cili nuk ka asnjë lidhje me atë që ndodhi. Kjo agoni ka vazhduar për muaj, por tani është intensifikuar”, tha Jovanoviq.

Ai deklaroi se do të përgjigjej siç duhet. “Unë jam me policinë 24 orë në ditë. Kam marrë informacionin përmes mediave që po shmangja gjyqin. Dhe pse do ta bëja këtë kur fitoja të gjitha procedurat në atë çështje më parë administratori i gjykatës”, pyeti Jovanoviq teksa më tutje tha se “qëllimi i atyre është që të më detyrojë të them se Aleksandër Vuçiq po më ngacmon si dikur Slobodan Milosheviq”.

(Kosova Sot Online)