Kryetari i komunës që udhëhiqet nga PDK-ja tregon nëse do ta mbaj fotografinë e Vjosa Osmanit në zyre

  • A.P /
  • 15 April 2021 - 17:34
Kryetari i komunës që udhëhiqet nga PDK-ja tregon nëse do ta mbaj fotografinë e Vjosa Osmanit në zyre

Kryetari i Komunës së Ferizajt, Agim Aliu ka thënë se do ta vendos fotografinë e presidentes Vjosa Osmani në zyrën e tij. Ai tha se këtë e ka për obligim ligjor që do ta respektojë.

“Po kabineti im e ka bërë fotografinë gati. Nesër ose pasnesër do të vendoset fotografia. Ajo çfarë përcaktohet me ligj respektohet nga unë”, ka thënë ai.

Teksa i pyetur nëse i njëjti do t’i “hakmerret” Vjosa Osmanit për mosbajtjen e fotografisë së ish-peridentit Hashim Thaçi, Aliu deklaroi se nuk udhëhiqet nga parime të tilla.

“Ai nuk është niveli im. Unë respektoj çdo president që zgjidhet nga vullneti i popullit dhe nga Kuvendi i Kosovës. Unë kam mbajtur edhe fotografinë e ish-presidentit Ibrahim Rugova dhe atë të ish-presidentit Hashim Thaçi e tani do ta mbajë edhe atë të Vjosa Osmanit”, ka thënë Aliu.

(Kosova Sot Online)