Personit që goditi me veturë policin në Pejë i sekuestrohen 10 mijë euro, dyshohet se i përfitoi me fajde

Prokuroria Themelore e Pejës ka bërë kërkesën për caktimin e paraburgimit ndaj të dyshuarit për veprën penale “fajde”. Po ashtu, të njëjtit i janë sekuestruar 10 mijë euro, të cilat dyshohet se i ka përfituar përmes fajdes.

41-vjeçari Driton Podrimqaku ishte shpallur person në kërkim, nga Policia e Kosovës, pasi kishte kryer veprën penale “sulm ndaj personit zyrtar”. Ai dyshohej se ka goditur me veturë një polic gjatë një operacioni të Njësive Speciale në afërsi të Radavcit të Pejës.

Lexoni edhe:

Prokuroria Speciale të mos ua bëjë avokatinë Shpend Ahmetit e Dardan Sejdiut, të arrestohen para fundit të mandatit!

I dyshuari është arrestuar të dielën, ndërkaq Prokuroria Themelore e Pejës të hënën ka kërkuar caktimin e masës së paraburgimit ndaj tij, pasi dyshohet për veprën penale “fajde”.

Përveç kërkesës për paraburgim, Prokuroria Themelore e Pejës ka kërkuar edhe sekuestrimin e 10 mijë eurove për shkak të dyshimit se të njëjtat janë përfituar përmes fajdes.

(Kosova Sot Online)