Deputetja e VV’së: Ajo çka ka bërë PDK në muret e shtëpisë së Adelina Graincës është krim

  • A.P /
  • 20 prill 2021 - 23:21
Deputetja e VV’së: Ajo çka ka bërë PDK në muret e shtëpisë së Adelina Graincës është krim

Deputetja e Lëvizjes Vetëvendosje, Tinka Kurti, thotë se PDK është përgjegjëse për grafitet e shkruara në muret e shtëpisë së deputetes Adelina Grainca. Kjo e fundit kaloi nga PDK në VV ditën që Vjosa Osmani u zgjodh presidente duke siguruar votën për zgjedhjen e tashmë presidentes.

Nëpërmjet një shkrimi në Facebook, Kurti thekson se “PDK-së nuk po i dhemb veç pse një grua e ka braktisë grupin e tyre por sepse një grua mundet me pasë guximin që ata nuk e kanë.”

“Ajo çka ka bërë PDK në muret e shtëpisë së deputetes Adelina Grainca është krim. PDK-së nuk po i dhemb veç pse një grua e ka braktisë grupin e tyre por sepse një grua mundet me pasë guximin që ata nuk e kanë”, shkruan Kurti në Facebook.

Grafitet “Bijat i shesim, votat i qesim” janë shkruar në muret e shtëpisë së Graincës nga persona të panjohur.

Shkrimi i plotë i Kurtit në Facebook:

Ajo çka ka bërë PDK në muret e shtëpisë së deputetes Adelina Grainca është krim. PDK-së nuk po i dhemb veç pse një grua e ka braktisë grupin e tyre por sepse një grua mundet me pasë guximin që ata nuk e kanë.

Kur gratë e zgjedhin të drejtën e të dobishme burrave të zhytyr në llum iu zihet fryma.

Le të mësohen me e pa votën e deputeteve si të lirë e të pavarur. Me i pa deputetet si të tilla dhe jo të manipulueshme. Boll me seksizëm.

Në ferrin e tyre djalli është personazh pozitiv.

(Kosova Sot Online)