Lexoni edhe:
Rama dhe Vuçiqi të lidhur me Thaçin në Hagë, selame Kurtit për Mini-Shengenin!
Fotografi të pabesueshme janë publikuar nga shteti që jemi mësuar ta shohim gjithmonë me rrugë të mbushura me njerëz e vetura dhe me numër të madh të turistëve. Për shkak të pandemisë, Tajlanda nuk është si më parë.
Në fotografitë që u bënë të mërkurën shihet plazhi i famshëm “Patong”, që në kohëra normale ka turistë lokalë e të huaj. Tash ky vend ka mbetur pothuajse bosh. Rrugët janë pa vetura dhe kafenetë janë mbyllur për shkak të masave kufizuese.
Rama dhe Vuçiqi të lidhur me Thaçin në Hagë, selame Kurtit për Mini-Shengenin!Lexoni edhe:
Foto: Getty Images
Përgjatë rrugës Bangala, në distriktin e njohur për zbavitje të natës, pëllumbat dhe macet tashmë janë në numër më të madh se njerëzit, shkruan Daily Mail.
Foto: Getty Images
Tajlanda ishte shembull për luftën e suksesshme kundër pandemisë në fazën e parë të saj, por shteti i Azisë Juglindore tani po përballet me valën e tretë të infeksioneve që ka arritur në të gjitha 77 provincat dhe ka sjellë shifra rekorde të rasteve.
Taskforca kombëtare kundër koronavirusit ka zbatuar disa masa për ta luftuar përhapjen e virusit, duke u thënë qytetarëve që t’i shmangin udhëtimet dhe tubimet. Aktivitetet me më shumë se 50 persona në një vend janë të ndaluara.
Tetëmbëdhjetë provinca, përfshirë kryeqytetin Bankok, janë në zonën e kuqe dhe restorantet në këto vende duhet të mbyllen herët. Pjesa tjetër e vendit është në zonën e portokalltë të rrezikut.
(Kosova Sot Online)