Ky është 19 vjeçari që vrau 7 nxënës dhe 1 mësues, momenti i arrestimit

  • E.K /
  • 11 maj 2021 - 15:15
 Ky është 19 vjeçari që vrau 7 nxënës dhe 1 mësues, momenti i arrestimit

Autoritetet Ruse kanë arritur të arrestojnë 19- vjeçarin, i cili hapi zjarr në një shkollë në Kazan, kryeqyteti i Republikës së Tatarstanit.

Në një video të publikuar në mediat sociale, tregohet momenti kur adoleshenti u kap i shtrirë në tokë jashtë ndërtesës së shkollës. Njëri prej policëve shihet teksa e mban të shtrirë vrasësin, duke i vendosur gjurin mbi shpinë, vendos prangat dhe më pas e ngre atë i vetëm, për ta drejtuar kështu drejt makinës së policisë.

Autoritete kanë konfirmuar gjithashtu se 19-vjeçari ishte dhe pronari i armës së zjarrit që i mori jetën shtatë nxënësve dhe një mësuesi në shkollë.

Zyrtarët kanë konfirmuar se viktimat ishin përkatësisht, katër meshkuj dhe tre femra, nxënës të klasës së tetë, si dhe një mësues i tyre.

Raportet e mediave lokale thanë se forcat e sigurisë në Kazan po kontrollonin apartamente në bllokun ku jetonte vrasësi, ndërsa hyrjet në shkollat zonës ishin të rrethuara.

(Kosova Sot Online)