Lexoni edhe:
Raporti 24 orësh i IKSHPK - së: 25 raste të reja me koronavirus dhe një i vdekur
Forca të shumta të Policisë së Kosovës po qëndrojnë në hyrje të Lipjanit, aty ku dyshohet se ndodhet sasia e kapur e kokainës, që sipas informacioneve të para është rreth 400 kg.
Katërqind kilogramë kokainë u kapën në një konteiner me mish që vinte nga Brazili dhe sipas raportimeve të mediave shqiptare, bëhet fjalë për një operacion të kryer nën koordinimin e DEA-s amerikane, të cilët kishin informacion që në origjinë për ngarkesën në fjalë duke i vendosur GPS për të parë se ku do të shkonte.
Raporti 24 orësh i IKSHPK - së: 25 raste të reja me koronavirus dhe një i vdekur Lexoni edhe:
Krahas DEA-s, Agjencisë amerikane për luftën kundër drogës, në operacion janë përfshirë pala italiane, si vendi ku konteineri bëri tranzitin për në Shqipëri, pala shqiptare si edhe policia e Kosovës.
Lidhur me rastin nuk është deklaruar akoma Policia e Kosovës edhe përkundër përpjekjeve të shumta të medias, për marrjen e informacioneve zyrtare.
Besohet se deri me tani të paktën dy persona janë prangosur, mirëpo policia nuk është deklaruar as për arrestimet.
Media ju sjell pamje nga vendi i ngjarjes.
(Kosova Sot Online)