Lexoni edhe:
Djali maroken notonte drejt Spanjës me shishe plastike, tërheq vëmendjen e mediave ndërkombëtare
74-vjeçari gënjeu policinë se i vodhën mbi 11 mijë euro në një qendër tregtare në Ferizaj
Policia e Kosovës ka njoftuar se një person i moshës 74 -vjeçare ka raportuar rrejshëm në polici se i janë vjedhur 11 mijë e 400 euro në një qendër tregtare në Ferizaj.
Sipas policisë ai fillimisht kishte thënë se ato para i kishte fituar nga shitja e shtatë lopëve në treg.
I dyshuari me vendim të prokurorit është liruar.
Njoftimi i plotë:
Sektori Rajonal i Hetimeve nga Drejtoria Rajonale e Policisë në Ferizaj, ka arritur të zbardhë rastin, të raportuar me datën 15.05.2021, si ‘’Vjedhje e rëndë’’.
Viktima , tashmë i dyshuari I.A ( M/SH/K), 74 vjeçar, kishte lajmëruar në polici, se me datën 15.05.2021 rreth orës 09:30, kishte shitur në tregun e kafshëve në Ferizaj, shtatë ( 7 ) krerë lopë në vlerë të njëmbëdhjetëmijë e katërqindë , ( 11400 euro) dhe se në ditën e njejtë, rreth orës 15:30, sipas tij këto të holla ju kishin vjedhur në një qëndër tregtare në Ferizaj .
Gjatë hetimit të ketij rasti, hetuesit policorë kanë arritur që të sigurojnë prova të mjaftueshme materiale dhe deklarative, se i njëti nuk kishte pasur lopë fare dhe nuk kishte qenë as në tregun e kafshëve, por që kishte lajmëruar rrejshëm këtë rast, gjë të cilën e ka pranuar në tërsi .
Me vendim të Prokurorit të Prokurorisë Themelorë në Ferizaj, i dyshuari është liruar në procedurë të rregullt.
(Kosova Sot Online)
