Lexoni edhe:
Një i vdekur dhe 21 raste të reja me COVID-19 në Kosovë
Mitrovicë: Arrestohet 40-vjeçari, për dy ditë u përfshi në tri raste të vjedhjeve
Hetuesit policorë në kuadër të Stacionit Policor ‘Jugu’ në Mitrovicë, në vazhdën e hetimeve për zbardhjen e veprave penale, kanë arritur të identifikojnë dhe të arrestojnë të dyshuarin për përfshirje në tri raste të ndryshme të veprës panele Vjedhje.
Këto raste janë raportuar në dy ditët e fundit, ku cak i këtyre vjedhjeve ishin dyqanet në Mitrovicën e Jugut.
“Si rezultat i hetimeve të zhvilluara mbi dyshimet e ngritura dhe provat e siguruara, hetuesit policorë në orët e paradites së sotme në Mitrovicë, kanë arrestuar të dyshuarin K. U., 40 vjeçar, shtetas i Republikës së Kosovës, pasi i njëjti dyshohet që në tri lokacione të ndryshme në Mitrovicë ka kryer vjedhje”, thuhet në njoftimin e policisë.
Në cilësi të provave materiale tek i dyshuari janë gjetur dhe janë sekuestruar sendet e vjedhura si: monitor, motoçikleta dhe gjësende të ndryshme.
Pas procedurave intervistuese, me urdhër të prokurorit të rastit të dyshuarit i është shqiptuar masa e ndalimit për 48 orë.
(Kosova Sot Online)
