Lexoni edhe:
Studimi në SHBA: Rreth 25% e pacientëve me COVID-19 përjetojnë simptoma afatgjata të sëmundjes
Këto janë të gjitha aktivitetet zgjedhore të miratuara sot në KQZ
Komisioni Qendror i Zgjedhjeve sot ka mbajtur mbledhjen e parë me kryetarin e ri, Kreshnik Radoniqi. Aty është miratuar plani operacional për zgjedhjet e 17 tetorit.
Në këtë plan, janë të listuara të gjitha aktivitetet zgjedhore të cilat do të realizohen për përgatitjen e zgjedhjeve për kryetarë të komunave dhe për kuvende komunale.
Duke filluar nga sot e deri më 16 gusht, subjektet politike kanë afat për të paraqitur aplikimin e tyre për t’u certifikuar për pjesëmarrje në zgjedhjeve dhe dorëzimin e emrave të kandidatëve.
Pas përmbylljes së procesit të certifikimit dhe tërheqjes së shortit, është paraparë fushata zgjedhore për subjektet politike dhe kandidatët. Kjo fushatë është 30 ditore, sepse kështu parashihet në ligj. Fushata zgjedhore fillon më 16 shtator dhe përfundon më 15 tetor.
Po ashtu, sipas këtij plani, 40 ditë është afati për aplikim për t’u regjistruar si votues jashtë Kosovës (10 korrik – 18 gusht), ndërsa periudha e votimit përmes postës për votuesit e regjistruar suksesshëm si votues jashtë Kosovës është 31 ditë (15 shtator – 15 tetor).
(Kosova Sot Online)
