“Nëna e Carolinës nuk dyshoi kurrë tek dhëndëri vrasës” – Çfarë po ndodh në familjen e pilotit?

  • E.K /
  • 19 June 2021 - 11:51
 “Nëna e Carolinës nuk dyshoi kurrë tek dhëndëri vrasës” – Çfarë po ndodh në familjen e pilotit?

Nëna e 20-vjeçares britanike që u vra nga bashkëshorti në Greqi po e përjeton tragjedinë nga e para, tashmë që u zbulua e vërteta. Mediat në vend, duke cituar njerëz të njohur pranë gruas, thonë se si në familjen e vajzës ashtu edhe në atë të Babis Anagnostopulos situata është dramatike.

Nëna e Carolinë është në gjendje shoku pasi nuk kishte dyshuar për asnjë minutë tek dhëndri.

“Susanna është shumë e revoltuar. Është e mbushur me mllef dhe ka shumë arsye të jetë kështu. I duket sikur po përjeton një makth. Ajo i kishte mbajtur të gjitha shpresat tek Babis, sepse e shihte si një vazhdim të vajzës. Nuk kishte dyshuar kurrë tek ai…”

Hariklia Theodorou tregoi për mediat se Susanna e kishte pikë të dobët të bijën dhe për këtë arsye e reja nuk donte që ta mërziste me realitetin që po përjetonte në martesën e saj.

“Kjo është arsyeja se pse ajo nuk donte që ta mërziste të ëmën. Ajo ishte shumë krenare për martesën e tyre, për dhëndërin dhe për mbesën. Mendoj që Caroline nuk donte që t’ia prishte këtë imazh që ajo kishte krijuar.”

Ndërsa e pyetur për Babis, ajo tregon: “Ai ishte gjithnjë duke qeshur, nuk ishte nevrik. Nuk i tregonte emocionet e forta as gëzimin, as hidhërimin. Ishte shumë i dashuruar, vinte në ishull vetëm për t’i sjellë një buqetë me lule.”

Edhe familja e pilotit 32-vjeçar është në gjendje të rënduar.

“Vëllai i tij është në shok, nuk mund ta besoj, ai është ende këtu në Alonissos. Nëse i njihni prindërit … Ata janë shenjtorë, të arsimuar, nuk e di se si do ta menaxhojnë atë.” 

(Kosova Sot Online)