Shoqja e Caroline rrëfen bisedën e fundit pak para vrasjes, tregon si e kontrollonte çifti njeri-tjetrin

  • E.K /
  • 21 qershor 2021 - 09:14
 Shoqja e Caroline rrëfen bisedën e fundit pak para vrasjes, tregon si e kontrollonte çifti njeri-tjetrin

Shoqja e 20-vjeçares Caroline, e fundit kjo që u vra pa mëshirë nga bashkëshorti i saj 32-vjeçar ka dhënë dëshminë e saj para autoriteteve greke.

Në dëshminë e saj, shoqja e Caroline thotë se ishte takuar me viktimën disa orë para se të vdiste dhe se gjatë takimit erdhi edhe piloti 32-vjeçar, por shkoi pak me vonesë në kafenenë ku vajzat kishin planifikuar takimin. Me vete Caroline kishte marrë edhe vajzën e saj.

“Caroline ishte në një gjendje të çuditshme psikologjike, por kur e dëgjova e kuptova që ajo ishte e fryrë dhe donte që ne të dilnim në mënyrë që ajo të mund shprehej me dikë”, tha shoqja e viktimës.

Takimi i dy vajzave u zhvillua në Sheshin Barnabas, por dëshmitarja thotë se Caroline nuk i tha atë ditë se ajo ishte e mërzitur, por as ajo nuk e kishte pyetur.

“Të them të drejtën, nuk më dukej e çuditshme sepse është logjike që me kaq shumë afërsi dhe me presionin e familjes dhe detyrimeve familjare, ajo ndihej e presionuar dhe e mërzitur”, tha vajza, ndërsa shtoi se pak momente më vonë kishte shkuar edhe Babis atje ku ishin ulur.

Aplikacioni celular i çiftit

Duke iu referuar karakterit të shoqes së saj, dëshmitarja foli për një vajzë dinamike, por një tip i mbyllur.“Në përgjithësi, Caroline, megjithëse duket se është një person shumë i hapur dhe i gëzuar, në fakt është një karakter shumë i mbyllur”.

Sipas gruas së re, 20-vjeçarja donte të fshihte problemet e saj. Dëshmitarja flet gjithashtu në dëshminë e saj për një lidhje të çuditshme që çifti kishte, shkruajnë mediet greke. 

“Duhet t’ju tregoj për Babin se ai ishte shumë i mirë. Kështu kanë thënë të gjithë ata që e kanë njohur dhe se ishte shumë i lidhur me Caroline.

Ata kishin një lidhje të çuditshme. Imagjinoni që ata kishin një aplikacion në celularin e tyre për të parë se ku ndodhej njëri apo tjetri në çdo kohë”, tha ajo.

Sipas mikeshës së Caroline, ajo po fliste me të për ëndrrat e saj profesionale, por edhe për vizitat e saj te psikologu.

“Caroline po shkonte te një psikolog. Në fakt, ajo më kishte thënë shumë herë se nuk i pëlqente ajo që po i thoshte psikologu. Ajo ishte një vajzë shumë dinamike dhe me shumë besim, besonte se mund të përballej dhe të arrinte gjithçka”, shton ai.

Shoqja e Caroline thotë se ajo i kishte thënë se ishte e lumtur me Babin dhe me vajzën e tyre.

“Ndjej keqardhje për atë që ndodhi. Me të vërtetë sepse ajo ishte shoqja ime është shumë e vështirë ta besoj”, tha vajza e re e tronditur.

(Kosova Sot Online)