Lexoni edhe:
“Bllokohet” Senati i ShBA-së – 50 vota për, 50 kundër, s’ka miratim
Policia deklarohet për vdekjen e ish-drejtorit të Spitalit të Gjilanit
Gjatë ditës së djeshme ka vdekur ish-drejtori i Spitalit të Gjilanit, Nysret Hajrullahu. Rasti në polici është hapur si vdekje e dyshimtë, ndërsa me urdhër të prokurorit trupi i pajetë i viktimës është dërguar për obduksion.
Sipas policisë, doktor Hajrullahu ishte sjellë në spital pa shenja jete.
Njoftimi i plotë i policisë:
VDEKJE E DYSHUAR/ Gjilan, 22.06.2021-19:30.Raportohet se viktima mashkull kosovar është sjell pa shenja jete në spitalin e Gjilanit. Vdekjen e viktimës e ka konstatuar mjeku kujdestar. Me vendim të prokurorit trupi i pa jetë dërgohet në obduksion.
Për vdekjen e tij ka ngushëlluar edhe kryetari i Gjilanit, Lutfi Haziri.
“Gjilani sot humbi njeriun e mirë, babain e familjarin, dr. Nysret Hajrullahu. Udhëheqës i shëndetësisë, mjek e mik i nderuar. Gjilani mban zi për luftëtarin për shëndetin publik dhe veprimtarin për liri e pavarësi. Ngushëllime familjes e personelit shëndetësorë”, është shprehur Haziri në Facebook.
(Kosova Sot Online)
