U shkarkua sot nga zv/drejtoresha e AKI, kjo është pasuria e Vlora Hysenit
Vlora Hyseni tashmë ish zëvendës drejtoreshe e Agjencisë Kosovare të Inteligjencës bazuar në deklarimin e pasurisë në Agjencinë Kundër Korrupsion del te jetë pothuajse milionere.
Por gjithë pasurinë e saj që e ka tashmë të deklaruar, ajo thotë se e ka të trashëguar nga prindërit dhe gjyshi i saj.
Ajo posedon një shtëpi 400 metra katrorë vlera e të cilës është dikur afër 100 mijë euro, por që e ka shkruar në formularin e deklarimit të pasurisë se është e prindërve.
Hyseni po ashtu nga prindërit ka katër hektar tokë vlera e të cilës është 200 miëj euro.
Tokë e pyllë të trashëguar nga gjyshi thotë si i posedon 20 hektar e që vlera arrinë shumën e mbi gjysmë milioni euro.
Vlora Hyseni vozitë një veturë, vlera e të cilës është 18 mijë euro e që sipas saj e ka blerë nga kursimet.
65 mijë euro ka para të gatshme në dy banka të Kosovës.
Ajo është shkarkuar sot nga pozita që mbante në Agjencinë e Kosovës për Inteligjence nga presidentja e Kosovës Vjosa Osmani dhe kryeministri Albin Kurti.
Arsyet në vendimin për shkakrimin e saj nuk janë bërë të ditura.
(Kosova Sot Online)