Lexoni edhe:
Kuvendi miratoi rezolutën për Srebrenicën, por murali që nderon “Kasapin e Bosnjës” ndodhet brenda Kosovës
Presidentja Osmani reagon për vrasjen e presidentit të Haitit
Presidentja e Kosovës, Vjosa Osmani ka reaguar për vrasjen e presidentit të Haitit, Jovenel Moise, por nuk ka ngushëlluar familjen e ish-kryekuvendarit Kadri Veseli, për vdekjen e familjarit të tyre, Fazli Veseli.
Osmani përmes një postimi në Twitter është shprehur e pikëlluar për vrasjen e presidentit të Haitit gjatë një sulmi në rezidencën e tij.
Por, Osmani nuk ka shkruar për vdekjen e babait të Kadri Veselit, i cili vdiq sot në moshën 94-vjeçare.
“Jam i pikëlluar kur dëgjova për vrasjen e Presidentit Moïse dhe u trondita kur dëgjova për sulmin e neveritshëm. Unë pata rastin ta takoja personalisht para një muaji. Mendimet e mia në këtë kohë janë me familjen e tij dhe njerëzit e #Haiti”, ka shkruar Osmani.
Kujtojmë se për vdekjen Fazli Veselit kanë reaguar shumë zyrtarë të insitucioneve publike të cilët kanë shprehur ngushëllime.
(Kosova Sot Online)
